618/2026-2027

Dated Champhai, 20th May 2026: Vawiin khan District Development Coordination & Monitoring Committee (DISHA) meeting chu Mizoram Lok Sabha MP Pu Richard Vanlalhmangaiha, DISHA Chairman hovin DC Conference Hall-ah neih a ni a, he hun hi Addl. DC Pu Lalbiakfela'n a kaihruai.

Lok Sabha MP Pu Richard Vanlalhmangaiha chuan thu sawiin, Department hrang hrang hnathawh leh hmalaknate chu tha a tih thu sawiin, district tana an inpekna avangin lawmthu a sawi a, scheme leh project an kalpui hrang hrang te a mamawh ber te'n an hlawkpui ngei theih nan duhsakna a hlan a ni.

Vawiin thutkhawmah hian Head of Office-ten an department theuh hmalaknate PowerPoint presentation hmangin an sawizau a, zawhna awmte an chhang a, hmachhawp an neihte leh harsatna an neihte an sawiho nghal a ni. MP Pu Richard Vanlalhmangaiha chuan an harsatnate sawrkar laipui hotute hnenah a thlensak tur thu sawiin, Scheme hrang hrang hnuaia hamthatna dawngtu turte (beneficiary) uluk taka thlang turin a fuih a. DISHA meeting hnuhnung bera an thu relte bawhzuina dinhmun thlirho a ni bawk.

DISHA hi district hrang hranga sawrkar laipui scheme hmalakna viltu Committee a nih bakah Department hrang hrangte inkara thawhho dan tur ngaihtuah leh thawhhona tha siam tura din a ni a. Vawiinah hian Department hrang hrang - Rural Development, Education, Agiculture, Horticulture, Animal Husbandry & Vety. Sciences, Fisheries, Social Welfare, Health & Family Welfare, Lead District Manager, DUDO, Commerce & Industries, PHE, PWD, DCSO, CDPO leh VC leh YMA hruaitute an tel a ni.