2646/2026-2027
Aizawl the 13th October, 2026: Biometric Aadhaar Authentication tih tur chungchangah LPG consumer-te hnenah Food, Civil Supplies & Consumer Affairs Department chuan a hnuai ami ang hian thuchhuah a siam.
Ministry of Petroleum and Natural Gas (MoP&NG)-in ruahmanna a siam anga India ram chhunga domestic LPG consumer-te'n Biometric Aadhaar Authentication (BAA) an ti ngei ngei tur a ni a tih angin Mizoram chhungah pawh hun engemaw chen atang khan Oil Company hotute leh Agency te'n hma an la tawh a, heti chunga Biometric Aadhaar Authentication la ti Io chuan LPG rate pangngai (Retail Selling Price with subsidy) angin October Ni 1, 2026 atang chuan an la ve thei tawh dawn Io a ni.
He ruahmanna hian a turn ber chu LPG subsidy rate-a a chang tur dik tak ten LPG an chan theuh theihna atan a ni a, chumi tihhlawhtlin nan chuan BAA hi LPG consumer zawng zawng ten an tih ngei hi sorkar laipui chuan a phut ve thung a ni.
Biometric Aadhaar Authentication la tilo te tan tihdan kawng hrang hrang a awm a, chungte chu:-
- Gas book an rawn dah hunah gas rawn dah tuten an tihsak thei - OMC Mobile App kaltlangin.
- Consumer-ten an mahni Gas Agency Office panin an Io tihsak thei.
- Mahniin OMC Mobile App hmangin tih theih a ni bawk:
- Indian Oil ONE for IOCL customers
- Hello BPCL for BharatGas customers
- HP Pay for HP Gas customers
e-KYC tihdan video tutorial en tur PMUY portal-ah a awm bawk. https://www.pmuy.gov.in/e-kyc.html
Food, Civil Supplies & Consumer Affairs Department, Government of Mizoram chuan hei hi Mizoram chhunga LPG connection nei zawng zawngten ti ngei turin a chah a, he Biometric Aadhaar Authentication ti velo te chuan man to zawk a LPG hi an lak a ngaih dawn avangin ngaipawimawh turin mipuite a chah a ni.
