2647/2026-2027 

Dated Khawzawl, the 13th October, 2026 : Vawiin khan DC Office Chamber, Khawzawl District ah PM-RAHAT Scheme chungchang meeting neih a ni.

He hun hi Pu K. Vanlalthiana, DC Khawzawl chuan kaihruaiin kalkhawmte chungah lawmthu a sawi a, meeting thupui sawi hawnna a neih hnuah Pu R. Lalrinhlua, SDC, chu meeting agenda te sawi hawng turin a sawm a ni.

Pu R. Lalrinhlua, SDC chuan meeting agenda sawi hawnna leh sawifiahna a nei a, District chhunga PM-RAHAT Scheme chungchang in a thlen chin report tawi pe turin Dr. Albert Lalhminghlua, Medical Superintendent a sawm a ni.
   

Medical Superintendent in PM-RAHAT Scheme kalphung tlangpui leh damlo enkawl dan kalphung te report a pe a. He Scheme atan a an hman ber tur TMS 2.0 portal training an neih tawh thu leh District chhunga Empanelled Hospital te he scheme hmang tura an inpeih tawh thu a report bawk a ni.