LPG Cylinder man chungchangah Kolasib District Magistrate Dr.Arun T.,IAS chuan Essential Commodities Act, 1955 Section 3(2) leh Liquified Petroleum Gas (Regulation of Supply & Distribution) Order 2000 hmangin hetiang hian thupek a chhuah: 

Kolasib District chhungah LPG Cylinder Distributor tumahin godown/showroom a leina rate Mizoram sorkarin a bithliah aia sangin godown/showroom a lei te hnenah an hralh tur a ni lo. Mizoram sorkarin godown/showroom rate a bithliah dan (Notification No.I.21011/5/2010/DTE (SPY)/Vol-II dated 4.7.2017) chuan cynlinder pakhatah Rs.18 zel a man pangngai atang paih tur a ni. viz. Tuna Gas man Rs.686 - 18 = Rs.668/- hi godown/showroom a leina man zat tur a ni. Godown/showroom rate hi sorkarin a tihdanglam ang zelin LPG Cylinder man pangngai atang hian paih tur a ni ang. 

He thupek zawmlo te chu Section 7 of Essential Commodities Act, 1955 hmangin hrem an ni ang.