Cooperation Minister Pu Lalrinmawia Ralte chuan vawiin khan Kolasib Khuangpuilam-a MIZOFED LPG Show room Building thar Rs 19, 29,625/- senga sak thar a hawng.

Building tharah hawnna inkhawm neih a ni a. Thu sawiin Pu Lalrinmawia Ralte chuan he building thar hi mipui rawngbawlna atana rahbi thar duhawm tak a ni, a ti a. Chhungtin mamawh Gas hi a tel lova kana wm theih loh thil a nih avangin dik leh fel taka a sem kawngah pawh tih a ngai a ni, tiin tun laiin gas harsat vanga a Black-a hralh leh lei sawi a awm thin a. Hei hi thil pawi tak a nih avangin Deptt. a thawkte phei chu hemi kawngah hian kan fihlim ngei ngei tur a ni, Pu Rinmawia chuan a ti a. Mipui te pawh hetiang thil thalo hi a awmloh nana tangrual turin kan tan tlan a ngai a ni, a ti. Gas hnianghnar zawka kan neih theih nan tan a lak zel tur thu pawh sawiin Minister chuan a tawng a puia thu tiam zung zung ai chuan tihtur tha nia a hriat chu chak taka a tih zel tur thu a sawi a ni.

LPG Show room hawn thar tak hi a dung 48 ft, a vang 20 ft5 a ni a, 31. 5. 2013 khan hna thawh tan a ni.

Hawnna inkhawm hi Pu K. Laldawngliana, Chairman MIZOFED in a kaihruai a, Pu Vanlalsawma, Managing Director, MIZOFED in report a pe a ni.