3026/2024-2025

Bungzung, 15th November 2024: Land Resources Soil & Water Conservation (LRS&WC) Department hmalaknaa buatsaih Buhtang zawl Vegetable Terrace chu vawiin khan LRS&WC Director Pu Hualthanga Chhakchhuak chuan a hawng.

Buhtang zawl vegetable terrace hi hlawk zawk a thlai tharchhuahna hmun tura ruahman niin, Hectare 35 a zau a ni a. A hmunhma buatsaih nan hian NABARD (2022-23) aṭangin cheng nuai 70.3 hmuh a ni a, a panna kawng hi MNREGS ( Ni za Inhlawhna) aṭanga laih a ni. Kum 2022 December khan bul ṭan niin January 2024 khan zawh fel a ni. Buhtang zawlah hian tui dahkhawlna lian (Water Reservoir), Individual Water Tanks, Contour Trench, Check-dam, Vegetative check dam, Farm pond leh Terrace te siam a ni a. Km 1.5 a thui GI Pipe hmangin tui lak a ni bawk.

Buhtang zawl lawmna inkhawm hi Bungzung Community Hall-ah neih a ni a. He hunah hian Pu Vanlalmawia, Secretary, Home & Land Revenue & Settlement Department paper buatsaih chhiar chhuah a ni a. LRS&WC Director Pu Hualthanga Chhakchhuak leh Pu Lalchhuanawma Ralte, DIPRO Champhai ten thu an sawi bawk a ni.