3851/2022-2023

Aizawl the 15th, March’ 2023: Vawiin khan Lt Gen Gurbir Pal Singh, AVSM, VSM, DG, NCC chuan NCC Directorate NER te tlawhin, Vanapa Hall ah Cultural Programme leh Meritorious Award semna hun a hmanpui.

He hunah hian Lt. Gen. Gurbir Pal Singh chuan thusawiin programme ropui tak NCC Directorate NER Aizawl ten an lo buatsaih chu lawmawm a ti a. NCC te chu training and adventure activities te ngai pawimawh turin leh expedition, trekking, parachuting, para jump, skiing ah tel ve a, India ram pum huapah pawh lang thei tura mahni inthunun turin a chah a. Khawtlang tana an thiamna leh theihna te hmang let turin leh NCC cadets te chu midangte pui tu leh thalai te tana entawn tlak ni zel turin a chah bawk a ni.

NCC Directorate NER hun buatsaihah hian NCC cadets ten hnam lam chi hrang hrang Cheraw, Chai, Hlado Chham, Khukri Lam, Rallu Lam, Sarlamkai leh a dangte an entir a ni. A hnuaia mite hnenah hian Meritorious Award hlan a ni -

1. 3rd Officer Vanlaltanpuio CTO, 1st Mizo Air Squadron

2. Cpl Kenny Lalrinawma Singh, 1st Mizo Air Squadron

3. Cpl Laltlansangi, 1st Mizo Air Squadron

4. SUP George Lalruatmawia 20 Mizoram Bn NCC

5. Cpl Vanlalhlui, 1st Mizo Baattion NCC