2291/2022-2023
Aizawl 12th October 2022: Fisheries Department chuan mipuite lo hriat atan leh zawm turin a hnuaia mi ang hian hriattirna a chhuah.

Mizoram Fisheries Act, 2002 section 5(1) leh (2) behchhanin, Mizoram Governor chuan, a hnuaia tarlan luia nungcha leh sangha chi hrang hrang te an inthlah pun hunchhunga, tih chhiat leh tih buai an nih loh na turin leh, him taka an inthlahpun theih nan sangha leh nungcha man khapna hun a puang a. Hemi hun chhung hian a hnuaia tarlan sangha leh nungchate man, tih hlum, an chenna leh nunphung tih buai hi a khap tlat a ni:-

1. Lui humhalh hun chhung : 10th October -18th December 2022
2. Luidung nungcha humhalhte : Nghalim leh Nghadawl (Garra leh Danio), Chakai, Chengkawl leh Kaikuang
3. Humhalhin a huam chin : Mizoram chhunga Lui leh Luite zawng zawng (Autonomous District council Areas huam tel lovin)
4. Mizoram Fisheries Act,2002 Sect.5 (4) hmanga hremna : Thla khat(1) chhung Lungin tan, thla 3 chhung pawhsei theih emaw, Rs. 5000/- chawitir emaw, a pahnihin emaw.