No.2108/2020-2020

Dated Serchhip, the 17th June, 2020: Vawiin hian Serchhip District-a Lungchhuan Village Level Task Force chuan district chhung hmun hrang hranga khunghran mekte tan chawhmeh leh thlai chi hrang hrang District Level Task Force hnenah an hlan a, Pu HD Lalpekmawia, Addl. DC in committee aiawhin a dawng.

Lungchhuan VLTF te hmalakna in chhungtinin an remchan ang thlai leh theirahte an thawhkhawm a, Antam, Maian, Chingit, Phuihnam, Thingthupui, Theihai, Theite, Hmarchate, Tumbu leh Japan-zawngtah te pik-up phur khat an hlan a, VLTF aiawh hian Pu C. Vanlalvena, VCP/Chairman VLTF, Pu R. Lalbiakhlima, President YMA/Vice Chairman, VLTF ten DLTF kutah an hlan a ni.

Heng thilpek bakah hian CM Relief fund-a a chhunluh turin Lungchhuan Branch YMA chuan Rs. 10000/- an pe tela, Chief Minister aiawhin Dr. Lalzirmawia Chhangte, IAS, District Bawrhsap chuan a dawng a ni. Thikpek hlantu Pu R. Lalbiakhlima, President YMA chuan YMA chu tanpui dawng tur ni lovin, tanpui ngaite tanpuitu anih angin an theih ang tawk sum fai an hlan ve a ni tih a sawi a. Kumin YMA Day denchhenin chhungkaw 6 hnenah tanpuina sum fai an hlan thu a sawi lang bawk.

Heng thilpek petu te chungah hian District Bawrhsap chuan lawmthu a sawi a, an thilphalna chuan sawrkar hmalakna te pawh nasa taka a chhawk zangkhai thu a sawi a ni.