Vawiin hian N. Vanlaiphai KVK  (Krishi Vigyan Kendra) leh AH & Vety Department  te bul tumin Lungkawlh Community Hall ah India Prime Minister in a tlangzarh thar National Animal Disease Control Programme for Foot and mouth diseases and Brucellosis; Nationwide artificial Insemination programm leh Swachte Hi Sewa programme an hmang.

He hun hi Dr. T. Vanlalngurzauva, Sr. Scientist & Head, KVK Serchhip District; N. Vanlaiphai chuan a kaihruaia,  Pi Dorothy Muansangin, SDO (Civil) N. Vanlaiphai chu khuallian  a ni. Khuallian chuan, ran vulhtuten ran hrisel an vulh theihna atana hmalakna lo awm thar chu lawmawm a tih thu a sawi a. Ran pui phei chu pakhat man pawh a sang tham a, chhungkaw sum lakluh a tipung dawrh thei a ni, a ti a. N. Vanlaiphai KVK ten Lungkawlh khua, Sial leh ran pui vulh nasa khuaah hetiang hun an buatsaih chu an fakawm hle a hriat thu sawiin, ran vulhtute chu KVK leh Vety  mithiamte rawn a, an thiamna chhawr tangkai tum thin turin a chah a ni.

He hunah hian Dr. C. Lalnunpuia, Vety Officer, N. Vanlaiphai chuan ran natna hrang hrang leh an natna hriat sak theih dan tur te, a enkawl dan tlangpuite a lem nen entirin a zirtir a ni.

Programm hi Pu Vanlalhmuaka, Scientist (KVK) in hunserh hmangin bul atana Pu Lalnunzawma, Farm Manager in lawmthu sawiin hun a khar a. Lungkhawlh khuaa ranvulhtute an kal tha hle  a ni.