Vawiin chawhma dar 11:00 khan Lunglei Khawchhung Faina Hapta hman dan tur ngaihtuahin Chairman ni bawk Lunglei Bawrhsap Pu V.Sapchhunga, IAS hovin an thukhawm.
He meeting ah hian Cleanliness Week organising Committee Secretary Pu R.L. Zidinga, DUDO, chuan kum hmasa lama an lo hman tawh dan tlangpui report a pek zawh hnu ah kum-in 2012 a hman dantur rel ho na neih nghal a ni.Kum danga an lo hman tawh dan angin Faina hapta hi khawchhung a mipui te hnen ah hriattirna pek an ni thin a, mitin in an in leh lo vel te kum dang zawng aia fai leh thianghlim a lo vawng turin ngen nise, Office, School leh Kohhran Biakin bakah khawlai dungah faina lam hawi a hnatlang Village Council emaw Branch YMA kaihhruaina in vawi 1 tal neih ni se tih a ni bawk.
October ni 2 ah hian Art & Culture Auditorium ah Cleanleness week hi hawnna inkhawm tawi neih ani anga, October ni 9 ah khar na hun hman leh tur a ni ang. Town level Cleanleness Week Commtt. chuan School hrang hrang leh Veng hrang hrang te Hotel, Restaurant leh Tea Stall thianghlim te hnen ah lawmman pek nise tih an rel bawk a ni.
