4535/2025-2026

Lunglei, 2026 Ramtuk thla ni 18: February ni 6, 2026-a District Level Committee on Fire Prevention meeting-in a rel ang leh kangmei laka mihring, in leh bungrua, ramngaw leh nungchate kan him tlan zawk nan Lunglei District-a Additional District Magistrate Pi Rochuangkimi Khenglawt chuan vawiin, February ni 18, 2026 khan Section 163, Bharatiya Nagarik Suraksha Sanhita (BNSS), 2023 tlawh chhanin a hnuaia thupek hi a chhuah.

1. Lo/huan hal turte'n March ni 15, 2026 ral hma ngeiin hal vek tur a ni.

2. Hmunphiah hmun neitute'n an hmunphiah hmunte March ni 31, 2026 hnu lamah an hal tur a ni lo.

3. Mi tu mahin mei lam ṭha tawk tak sial hmasa lo chuan lo/huan/leipui leh hmunphiah hmun an hal tur a ni lo va, mi tu mahin ram tihkan loh tur a ni.

4. Ramhnuaiah meizial bung paih mai mai loh tur a ni a, mi tu mahin meichhem timit lovin an kalsan tur a ni lo.

5. Kangmei lakah kan him tlan theih nan kan in leh a velte tifai ṭhain, awlsam taka kang kai thei thil (khawnvartui, petrol, diesel, adt.) lakah kan fimkhur tur a ni.

6. Kangmei chhuak a awm chuan Emergency Number 112-ah eng tik lai pawhin a report theih a ni.

He thupek hian thu leh awm hma chu chhuah a nih aṭanga thla hnih (2) chhung a huam ang a, thupek zawm lote chu Section 223, Bharatiya Nyaya Sanhita (BNS), 2023 hmangin hrem theih an ni.