No.3385/2021-2022
Aizawl the 14th, December'2021: Vawiin chawhma dar 10 AM khan Thuamluaia Mual Lungleiah 38th Mizoram Secondary Games 2021 hawnna neih niin Pu Lawmawma Tochhawng, Vice Chairman, High Powered Committee, Lunglei chuan khuallian niin he School Games 2021 hi a hawng a ni.

Pu Lawmawma Tochhawng chuan 38th Mizoram Secondary School Games 2021 Lungleia nghah ani chu lawmawm ati a. School Games hian zirlai leh zirtirtute ah rah tha tak a chhuah a beisei a ni. He games hi infiamna nimai lovin inelna tak tak a hmanga hlawhtlin pui theuh turin a chah a ni. India sorkarin sports hi zirlaite subject pakhat ah a dahthu sawiin Mizoram sorkar pawh in sports thei te tan hamthatna a siamsak thin thu a sawi bawk. Zirna leh sports hi kalkawp tlat ani a, uar bik neilova hman thiam erawh a ngaih thu a sawi a, Infiamna a hlawhtlin tum te chu an hriselna an uluk tur a ni, zuk leh hmuam bakah ruihlo laka fihlim a ngaih thu a sawi a. School Games hian zirlaite ah inunauna bakah khawtlang leh kohhran ah tangkaina nei theuh turin a duhthu sawi bawk a ni. District hrang hrang atanga School Games a lo tel te he games hi tangkai taka hmang theuh turin dugsakna a hlan a ni.

Pu Lalhmachhuana, Organising Chairman leh State Project Director, Samagra Shiksha in lawmna thusawiin Secondary School Games hi kum 2019 ah Kolasib ah neih a ni a, Covid 19 avangin kum 2020 ah hman a ni lova, kumin ah Lungleiah Covid Appropriate Behaviour dan zawm chunga hman turin Organising Committee chuan a rel a ni a ti.

38th Mizoram Secondary School Games 2021 ah hian Mizoram District 11 atangin infiammi leh official mi 330 an tel a ni. Covid 19 avangin CAB zawm chungin infiamna chi 4 Athletic, Judo, Badminton leh Table Tennis ah inelna neih ani ang.

Attachment

  • Loading attachment...