4600/2023-2024

LUNGLEI; the 16th April, 2024: Vawiin chawhnu dar 2:00 khan District Election Officer leh bawrhsap ni bawk Pi Ramdinliani  kaihhruaina hnuaiah, a Office Chamber-ah 3rd Randomization  of Polling officials neih a ni.

Vawiina neih tak 3rd randomization of polling officials hian Polling party te chu Lunglei district hnuaia Assembly Segment 6 hnuaia polling station hrang hrangah  computer in a sem darh (Randomise) hlawm a ni.

Hmeichhe hlangin an vil tur polling station-a polling official te tiam lovin, Mipa hlang in an vil tur polling station 152-ah polling officials: Presiding Officer (PRO)-188, Asst. Presiding Officer (APRO)-188 leh Polling Officer(PO)-279 an awm a ni.

Lunglei District hnuaia Polling Station 176 awmin, hmeichhe hlangin an vil tur Polling station 24 a awm a. Polling Party-ah hian  Mipa reserved  polling official 20% an awm a, Hmeichhe hlang vil tur PS tan reserved polling officials 30% a awm thung a ni.

Vawiin 3rd Randomization of Polling officials programme hi 1-Mizoram (ST) Parliamentary Constituency  tana General Observer ruat Dr. Nipun Vinayak, IAS chuan  Aizawl atangin video conferencing kaltlangin a lo telpui/hriatpui a ni.

Vawiin tlaiah hian polling station hla zual 13 a duty tur Polling party 12 a polling official te list tar chhuah a ni ang a. Heng polling party 13 te hian naktuk zing dar 7:00 ah an duty-na polling station panin Despatch  centre, Saikuti Hall an chhuahsan ang.