Ramchhung hmun dangte ang bawkin vawiiin khanLungleiThuamluaiaMual-ahRepublicDay vawi 66-na chu lawm a ni a, Lunglei DC Pu Ashish Madhaorao More, IAS chu Khuallian niin hnampuanzar a pawh pharh hnuah Republic Day Parade Contingent-te salute a chhanglet.

Republic Day lawmnaa kalkhawm District officials leh mipuite chibawi bukin Khuallian Lunglei Bawrhsap Pu Ashish More chuan Lunglei District huamchhunga sorkar hmalakna hrang hrangte a tarlang a. Sorkar ruahmanna pawimawh tak NLUP hnuaiah January thla chhungin Line Department Trade hrang hrang hnuaiah 7403 beneficiaries hnenah 2nd Phase tanpuina sem kim hman beisei a nih thu leh 3rd & 4th Phase-ah 7708 beneficiaries-te hnenah tanpuina sem chhunzawm a ni ang, a ti. Sorkar laipuiin faina beihpui a thlakna ‘Swachh Bharat Abhiyan’ leh ‘Saansad Adarsh Gram’ bawhzuiin district chhungah chak taka hmalak zel a ni, a ti. Lunglei High Powered Committee hmalaknain district chhunga kawng tam tak thawmthat a ni a, chungte chu Thangte/Vaisam panna kawng te, Christian Hospital & Nursing School, Serkawn panna leh Farm Veng atanga ‘Lung lei’ panna kawng te a ni a. PWD pawhin khum 10 awmna PHC Cherhlun leh Thingsai-ah an sa zo tawh a; Hnahthial-Thingsai-Tuichang kawgpui pawh siam zawh a ni a, PMGSY hnuaiah Haulawng-Bualpui‘V’-Chhipphir kawnpui pawh siam zawnh tawh thu a tarlang. Rural Development hnuaiah IAY In 159 sak zawhfel tawh a ni a, MGNREGA hnuaiah kum 2014-2015 chhungin Job Card 16331 siamin inhlawhna Ni 14 thawh a ni bawk a. UD&PA hnuaiah Lunglei District chu ‘Urban Area’ 3-ah then a ni a, Convention Centre changtlung tak bakah Serkawn-ah Lena Sports Stadium sak mek a ni, a ti.

Sorkar hmalakna tarlang zelin Lunglei Bawrhsap chuan kum 2014-2015 chhungin PHE Department chuan In 681 hnenah tui connection thar a pe a, Zobawk, Lungpuizawl, Hrangchalkawn leh Theiriat huapzo tur Greater Lunglei Water Supply Scheme-II bultan nan sum release ngha mek a ni bawk, a ti a. P&E Department hnuaiah Khawiva-a 132KV Sub-Station leh Kawmzawla 33KV Sub-Station bun hna chu kum 2015-2016 chhungin zawhfel hman beisei a ni. Labour & Employment hnauai in-register thar mi 993 an awm a, Co-operation hnuaiah Co-operative Societies 25 an in-register bawk. Civil Hospital, Lunglei hman turin Power Generator, Dialysis Machine, ELISA Reader leh Semi-Autoanalizer-te dawn a ni a. Education Department hnuaia sorkar sikul hrang hrangah a zavaiin zirlai 4968 an awm mek a; SSA Mission hnuaiah Free Uniform & School Grants, Free Textbooks & Mid-day Meal pek vek a ni a, chhungkaw harsa zawk atanga zirlai hmeichhe naupangte chu sorkar enkawl Girls Hostel-ah dah an ni a, zirlai hmeichhia te chu self-defence tarining ‘Operation venus Fury’ neihpui an ni thin bawk. Lunglei District chhungah RMSA HSS hmun 3 - Kanghmun, Ralvawng, Hrangchalkawn leh Thenhlum-ah a awm a, sikul 13 sak mek a ni bawk. MIzoram Polytechnic hnuaiah Mizoram bakah state 12 dang atangin zirlai an awm mek a, an zirlai bakah ‘Short Course on Skill Development Training’ neihpui vek thin an ni. Sports & Youth Services Department hmalaknain Thuamluia Mual-a Pavillion sak hna chu 1st phase thawh zawh tawh a ni a, infiammi ti tha zual 80 hnenah Soprts Incentive Cash Award hlan a ni bawk, a ti.

Excise Deparment chuan kum 2014-2015 chhungin Revenue Rs.27,36,289/- a hmu a; Taxation Department hnuaiah Revenue Rs.5,36,39,465/- leh Revenue Deaprtment hnuaiah Rs. 51,03,795/- hmuh a ni bawk. Chhimbial atan Lunglei-ah Jt. Director, Accounts & Treasuries Office hawn thar chuan nasa takin mipuite a ti zangkhai a, he office hnuaiah hian mi 229 laiin pension an la mek a ni. Mipuite venhimna hna leh dan leh thupek kenkawh lamah Police Deapartment chuan theihtawp chhuah zelin Lunglei-a awm ve Assam Rifles, BSF leh MAP te nen pawh an thawhhona a tha hle a. Dept. of Information technology hnuaia District Informatics Centre chuan Lunglei khawpui chhunga sorkar offcie hrang hrang hnenah internet service pein portal lunglei.nic.in an enkawl bawk a ni.

Vawiina Republic Day Ceremonial Parade-ah Armed Contingent 3, Unarmed Contingent 4, School Contingent 14 leh band Parties 2 an awm a; Parade Comander chu Lunglei SDPO Pu B.Laldingngheta, MPS niin 2nd Parade Commander chu SI Lalnunsanga, 2nd MAP a ni thung. Vawiin vek khan Republic Day puala infiamna hrang hrang buatsaih lawmmante sem nghal a ni a. Dar 1:00-ah DC’s Lawn-ah sawm bikte tan thingpui ruai ‘At Home’ buatsaih a ni bawk.