Vawiin chawhnu khan Saikuti Hall, Lunglei ah 6th National Voters Day lawmna neih a ni a. Pu Mark Lalthanliana, Election Officer in inkhawm kaihruaiin Pu Ashish Madhoarao More IAS, Lunglei Bawrhsap chu khuallian a ni.

Khuallian chuan thusawiin 6th National Voters Day hi Election Commission of India thuchhuah angin 25th january 2016 ah hman tura tih a ni a. Vawiin a he ni kan hmang thei hi lawmawm a ti a, kum 1950 ah India danpuiin a tarlan angin vote thlak hi hman tan a ni a. Amaherawh chu 25th january 2011 atangin National Voters Day hi hman tan chauh a ni a ti. India danpui ah hian tupawh kan in tluktlang vek in inthlanna ah mipuite tel loh chuan roreltu a thlan theih loh a, chuvangin kum 18 tling Epic Card nei te tan zalen leh felfai takin vote a thlak theih turin thuneihna an nei a ni a ti. Ni 14-17 january 2016 khanNew Delhiah voters festival neihna ah Mizoram stall a an thil phochhuahte chu mipuiin an hlut hle a, Election Commission pwh in a chhuang hle a ni a ti. Kum 18 tling tawh te electoral Roll ah in thunlut in vote hlu tak kha rilru thianghlim pu chunga thlakturina chah a ni. Vote inthlak loh chuan mipui rorelna ah hlutna in nei lo a ni a ti bawk. BLO te hi Electoral Roll siam naah hnathawktu leh tihlawhtlingtu ber an ni a, kum tling vote nei thei ten BLO te hmang tangkai turin a duh a, BLO te pawn an huam chhungah hmaih awm miah lova kum tling te Electoral Roll a thun tur in a chah bawk. Lunglei district a inthlanna hrang hrang hlawhtlinnakanneih te hi sorkar leh mipui te tawiawmna vang a ni a ti.

Dr.Lalngura Tlau, Addl. DC kaihhruaina in voters thutiam lak a ni a, Pu Rothuama, Addl. DC in kumtling te hnenah Epic Card semna a nei a, Khuallian in Lunglei district constituency pasarih(7) a BLO titha C.Tincheuva, Headmaster P/S Ngharchhip (29-South Tuipui), PC Lalbiakruala, LDC, DEO Office, Lunglei (30-Lunglei North), PC Khawlkunga, Teacher P/S Ramthar (31-Lunglei East), Hmingthanghluana, SIS, DRO Office, Lunglei (32-Lunglei West), Sailothanga Sailo, Headmaster M/S Thaizawl (33-Lunglei South), Zohranga, Headmaster M/S Lungchem (34- Thorang), leh V.Lalnunsanga, Headmaster M/S Chawilung (35-West Tuipui) te hnenah chawimawina Certificate hlanna a nei bawk a ni.