Vawiin khan Lunglei District Anti- tobacco Squad te chuan squad drive an nei a, Lunglei khaw chhunga office hrang hrang leh dawr hrang hrang ten COTPA Dan an zawm that leh that loh an endik a ni.

COTPA Section 4 (puipunna a meizuk khap) dan bawhchhia mi pali (4) manin, dan in a phut angin pawisa chawitir an ni a. COTPA Section 4 dan hian puipunna hmuna meizuk a khap tlat a, he danin puipunna hmun a tih te chu Damdawiin, Zirna in, Office, Court building, Bazar, Community hall, Khelmual, Hotel, Restaurant, Motor(public carrier) leh Shopping mall te a ni.

Puipunna hmuna meizu te hi COTPA Section-21 hmangin Rs 200/- thleng chawitir theih an ni.