Vawiin khan Lawngtlai DC Conference Hall ah kan hma lawka MP inthlanna a hman tur Voter Verifiable Paper Audit Trail (VVPAT) First Level Checking neih a ni a.  Party hrang hrang aiawhte leh Assistant Returning Officer te hmuh laiin heng Checking hi Election Commission te rawn tirh mithiam ten an nei a ni.

Vote thlaktu ten an vote thlakna an enfiah theihna khawl VVPAT hi Lawngtlai khawpui chhung bik Polling Station 17 a hman tura ruahman a ni a, a maherawh chu VVPAT khawl hi engemaw zat lo thlengin hengte hi vawiin chhun lai atang khan enfiah tan an ni a. He thu ziah lai thleng hian khawl 18 en tawh niin an vaiin a tha vek a ni.

VVPAT checking titu ECI mithiamte chuan  heng VVPAT khawlte hi vawiin vek hian an en zawh theih an in beisei.