1681/2022-2023
Lunglei the 23rd, August' 2022: Vawiin khan India zalenna champha vawi 75th pualin Arts & Culture Department, Lunglei leh Raja Rammohun Roy Library Foundation (RRRLF) te buatsaihin Awareness Rally on Women Empowerment hun hman a ni. Pi Melody Ngurthantluangi, SDO(Sadar) chuan khuallian niin a hmanpui .

He awareness rally hun hi Sacred Heart School ah hman niin Nl Vanlalhruaii Sailo, Librarian, District Library, Lunglei in a kaihruai a Pi Melody Ngurthantluangi, SDO(Sadar) chuan Raja Rammohun Roy piancham vawi 250th lawmna hun hmang tura an sawm avangin lawmthu a sawi a, kan khawtlang nun hi ralmuang taka kan kal theih nan mipa leh hmeichhia te intluktlan a ngai a, tunhma chuan India ramah hmeichhia te dinhmun a chhe em em a, inthliarhranna pawh a nasa a, tunah chuan hmeichhe dinhmun pawh a tha tawh hle ani. Hmeichhia ten dinhmun tha leh hna sang tak tak kan chelh theive a ni tih hria a mahni theihna zawn ah a sang thei ang ber thleng turin zirlai te a chah a ni. Khuallian in Rally Flag off na neiin , Sacred Heart School atangin Saikuti Hall thleng kawngzawh a ni.

He rally ah hian Sacred Heart School hmeichhe naupang pawl riat (8) zirlai mi 200 an tel a ni. Kumin 2022 hi Raja Rammohun Roy piancham vawi 250 na a ni a, a lawmnan Raja Rammohun Roy Library Foundation chuan kumin chhung hian India ram pum huap Raja Rammohun Roy a puala programme buatsaih nise a ti a. RRRLF hian India ram District 250 ah hun hman turin hma an la a, Mizoram ah pawh District pali ah hman tura tih angin Lunglei District, Aizawl District, Champhai District leh Kolasib District ah te he awareness rally hi neih a ni.

Raja Rammohun Roy hi Father of Modern India ti a sawi thin a ni a, khawtlang nun siamthat bakah hmeichhia te dinhmun chawisan kawngah pawh theitawp a lo chhuah thin a, India ram a hmeichhe dinhmun chhe lutuk te pawh a siam tha a, lehkhabu hrang hrang te letlingin Library a din a ni.