1680/2022-2023
Aizawl the 23rd August, 2022 : Vawiin khan Chief Secretary Conference Hall-ah Samagra Shiksha Executive Committee Meeting neih a ni a, Chief Secretary Dr. Renu Sharma-i’n he meeting hi a kaihhruai.

Samagra Shiksha State Project Director Pu Lalhmachhuana chuan Samagra Shiksha hnathawhte a tarlang a. Kum 2018-23 chhung hian school 52 hawn thar tura ruahman a ni a, tun academic session 2022-23 ah hian school 17 hawn thar tura ruahman a ni tih tarlan a ni. NEP 2020 tihhlawhtlin nan School dinhmun teh chhuahna tur standard setting and accreditation chu MBSE bawhzui tura thuneihna pek anih tawh thu te, Group of Expert for NEP din anih thu te, Task Force on NEP 2020 te, Study Group on NEP 2020 din anih thu te, NEP 2020 chu Mizo tawnga lehlin anih thu te leh SCERT Official website-ah dah anih thu te tarlan a ni. Kum 2022-23 atangin Primary School-ah KG class hawn anih thu te, pre-school zirlaibu atan Zirtirh Bu leh Nambar bu siam anih thu te tarlan a ni bawk.

Meeting-ah hian Media Cell, School Education ten hripui len laia Tutorial Video clip TV channel-a an tihchhuah thin chu Zirna huang leh Zirlaite Puitu Youtube channel-ah zirlaite leh zirtirtute hman theih tura dah anih thu te, Educational TV Programme chu chawlhkar tin Ningani tlai dar 6-ah DD Mizoram-ah tihchhuah thin anih thu te tarlan a ni bawk. Science leh Maths tihhmasawnna atana hnathawh te tarlan a ni a, Vocational Education chu school 52-ah kalpui mek anih thu te tarlan a ni bawk. Meeting-ah hian Zirtirtute intuai hriam nan NISTHA training-ah secondary teacher-te an in ziah luh that a pawimawh thu pawh sawi a ni bawk.

EC Meeting hmasa thurel leh bawhzuina te chu pawm a ni a, Annual audited statement te, Annual report 2019-20, 2020-21 te pawh pawm a ni a, kum 2021-22 sum audit turin Chartered Accountant firm thlan a ni bawk.

EC meeting-ah hian Chief Secretary bakah School Education Secretary Dr. Lalzirmawia Chhangte, Samagra Shiksha State Project Director Pu Lalhmachhuana leh Samagra Shiksha officer te, Department hrang hrang aiawh te leh Teacher Service Association aiawh te an tel hlawm a ni.