Vawiin khan Saikuti Hall, Lunglei-ah BLO te tan ‘Training on National Electoral Roll Purification & Authentication Programe (NERPAP)’ neih a ni a, he training hi Addl DC Lunglei Pu Rothuama’n a hmanpui.

Addl. DC Pu Rothuama chuan India chu mipui rorelna (democarcy) ram a nih angin inthlan hi ngaih pawimawh ber a ni a, BLO-te chu inthlan kaihhnawih thilah an tangkai em em a, electoral roll atan chauh ni lovin inthlanna berah an pawiawh hle a ni, a ti. ECI chuan electoral roll dik leh felfai neih theih nan BLO-te tan training hi uluk taka kalpui a duh angin he training hi buatsaih a ni, a ti.

SDC Lunglei Pi Caroline Khiangte chuan BLO kalkhawmte NERPAP thil tum leh kalphungte a hrilh fiah a. ECI-in electoral roll siamdan kalphung felfai zawk awm theih nana hnathawkte inthlunzawmna (connectivity) tha zawk awm theih nan mobile leh email hmanga hnathawh dan a ruahman a, chu chu he training-ah hian BLO-te zirtir an ni.

NERPAP-in a tum ber chu :

1. Authentication - electoral roll dik lo lai tihdik

2. Bio-metric linkage - AADHAR data leh EPIC data en mil paha thun

3. Correction - Image quality tha zawka siam

4. De-duplication - Hmun khat aia tama hming chuangte siamthat a ni.