Electoral Roll dik leh felfai zawk neih theih nana ECI-in National Electoral Rolls Purification and Authentication Programme (NERPAP) duan bawhzuina kal zelah vawin khan Champhai I&PR Auditorium Hall-ah Booth Level Officer-te tan training buatsaih a ni a.

Training hi Pu Benjamin Lalzama, Election Officer, Pu Zoremthara Ralte AERO Champhai North A/C leh Pu R Vanlalsawta ERO Champhai South A/C ten zirtirna an pe a. NERPAP hi a lo hlawhtlin theih nan tuna E/Roll kan hman mek ah double entry/particulars dik lo/ EPIC dik lo leh pawimawh dangte chu siam tha tur a hmalak a ni a. Hemi hna thawk tur hian Booth Level Officer (BLO) te ruat an nih thu leh, Election Commission of India chuan Adhaar hi a ngai pawimawh hle a, adhaar card nei tur a elector-te pawh a duh thu training petute chuan an tarlang a ni.