Vawiin khan KVK Lunglei District, Hnahthial buatsaihin KVK Complex Hnahthial-ah Exhibition-cum-Technology Showcase hun hman a ni. He hunah hian kuthnathawktu ten an thlai tharte phochhuakin heng mite hnenah hian thlaithar category hrang hrangah lawmman sem a ni. Ran vulhtute tan a thlawn a ran Doctor rawnna hun hawn a ni a, Ui a hri danna (anti-rabies vaccine) Ui pakhatah Rs. 50/- zel chawia pek an ni bawk.

He hunah hian loneitu ten an thlai tichhetu rannung leh natna hrang hrang avanga harsatna an tawhna ah mithiam zawk rawnna hun neih a nih bakah loneituten an huan Lei te enfiah (Soil Testing) turin an keng khawm a, endikna hun te neih a ni bawk. KVK leh a thawhpui Department hrang hrang ten Stall hawngin kuthnathawktute thil thar chhuah pholanna hun neih a ni.

Exhibition ah hian Dr. C. Lalzarliana - Director of Agriculture (Crop Husbandry) chu Chief Guest niin Pu Lalrinliana Director of Agriculture (Research & Education) leh Pu J. Rothanga (District Agriculture Officer) Lunglei ten an tawiawm bakah Pu Kanaan Gopinathan, I.A.S., S.D.O. (C), Hnahthial Sub-Division ten an hmanpui a ni. He Exhibition hi kuthnathawktu ten an hlawkpui hle.