Vawiin khan State Guest House, Chaltlang-ah Patent Information Centre, Directorate of Science & Technology leh National Institute of Technology (NIT) - Mizoram tang kawpte chuan “Innovation & Intellectual Property Rights Awareness Workshop” an buatsaih.
He Workshop-a khuallian NIT Director Prof. U.C. Ray chuan, Mizoram sorkar leh NIT in hetiang ang thil tangkai tak an buatsaih ho thei hi a lawmawm hle a, tunlai khawvelah ram intodelh leh hmasawn chak ni tur chuan Science & Technology thiamna hmanga hmasawnna tur ruhrel leh hmanraw changkang hmuhchhuah leh hman a tul tawh thu a sawi a. Hun lo kal zel turah thawhhona tha zawk neih zel theih a beisei thu a sawi bawk.
He Workshop kaihruaitu Dr. Lalnunsiama Colney, Senior Scientific Officer, Directorate of Science & Technology chuan Mizorama Patent Information Centre din a nih chhan sawiin Mizo te kutchhuak chi hrang hrang humhalh kawnga hma la tur leh ram hmasawnna thlen chu a turn ber a nih thu a tarlang.
Vawiina kalkhawmte hnenah Intellectual Property Rights chungchang zirtirna Pu Samuel Lalmalsawma, Scientific Officer, Dte. of Science & Technology chuan a pe a. Creativity & Innovation chungchang zirtirna Dr. Laldinliana, Asst. Professor, Mizoram University chuan a pe bawk a ni.
