Vawiin chawhma dar 11:00 khan Lunglei Saikuti Hall ah World No Tobacco Day hman a ni a, he hun hi Lunglei Bawrhsap Pu V.Sapchhunga, IAS in hmanpui a. Mithiam ten zirlai te leh sawmbik kalkhawm te hnen ah “Zuk leh hmuam siamtute chimawmna” tih thupui hmangin zirtirna an pe a ni.

Lunglei Bawrhsap chuan Anti-Tobacco Squad hmalakna avangin zuk leh hmuam in sumna kawngah hun reilote chhungin rah tha hmuh thei a a awm ta leh Sawrkar in zuk leh hmuam tih chingte Cancer natna vei enkawl nan sum tam tak a seng reng a. Hei hi insum theihna nen a zuk leh hmuam kan hnualsuat loh chuan a la pung chho zel dawn a, Sawrkar tan a lei ba rulh sen loh kan la siam mai ang tih a hlauh awm a ni a ti. Mizoram in hrisel lohna leh Cancer tam lam a pakhatna kan hauh hi pakhatna chhuanawm lo tak a nih avangin kan in enfiah a hun tawh thu a sawi.

National Tobacco Control Programme a thawk te chuan Blue Ribbon Campaign awmzia chu zuk leh hmuam ti ve lo te himna kawng zawn sak leh meizu mite laka an him theih nan a hmalak a nih thu an sawi a. Kumtin Mizoram mipui in zuk leh hmuam leina a tan Rs.150-200 crore a senral ziah thin thu leh India ramah nitin zuk leh hmuam kaihhnawih natna avanga mi 2200 an thih ziah thu an tarlang.

Attachment

  • Loading attachment...