Special Summary Revision of Electoral Rolls atana inbuatsaihna kal zelah vawiin chawhnu khan Convention Centre, Lunglei-ah Assembly Constituency panga – Lunglei East, Lunglei West, Lunglei North, Lunglei South leh Thorang huamchhunga Booth Level Officer-te tan training buatsaih a ni.

Training programme kaihruaitu Pu James Lalnithanga, Election Officer, Lunglei District chuan training buatsaih a nih chhan leh trainees te thil hriattur pawimawh hrang hrang sawifiahna hun a nei a. Election Commission of India in ruahmanna a siam angin Special Summary Revision 2018 chu chak zawka kalpui a nih theih nan Special Drive buatsaih a ni a. He Special Drive hnuaiah hian Booth Level Officer (BLO) ten an area huamchhung theuha in tin an tlawh dawn a (house to house visit), electoral roll-a hming ziahluh, hming paih, diklo siamthat ngai te leh form hrang hrang buaipui ngai te an buaipui ang.   Lunglei District chhunga Electoral Roll dik leh felfai tak nei turin he hmalakna hi kalpui a nih tur thu Pu James Lalnithanga hian a tarlang bawk.

He hunah hian Pu Allan Lalthanzara, District Level Master trainer in Booth Level Officer-te zirtirna a pe a. BLO Net/Mobile phone application hmanga data an lakkhawm dan tur tlangpui a ziritir a bakah form pawimawh hrang hrang leh chhung tinte leh chhungkaw member tinte chanchin an lakkhawm dan tur a hrilhfiah. Special Drive hnuaiah hian Pilot Project ‘Mobile based Booth Level Electoral Roll Management (BLO Net)’neih a ni dawn bawk a, he Pilot Project hi Lunglei West ah kalpui tum a ni. He Special Drive hi 15th November 2017 atanga 30th November, 2017 hun chhung kalpui a ni ang.