North Eastern Development Finanace Corporation Ltd. (NEDFI) chuan vawiin khan bussiness meet YMA Conference hall ah an buatsaih.

He Business meet ah hian sumdawng mi ( Entrepreneurs) te an kal khawm a, Pu Lalhruaizela Fanai, NEDFI, Lunglei Branch Manager chuan NEDFI hmalakna hrang hrang leh an Scheme te sawifiah in, NEDFI chuan Loan nuai 100 (za) ai a tam lovah chuan kum khhat a 8% (za zel a pariat) a Loan an puk tir thu a sawi a, Interest chu sum la bat zat atang a thl n a an hut thar zel thua sawi bak ah, Bank dang te te khaikhin chuan an interest rate chu hniam tak a nih thu a sawi a ni.NEDFI chu DONER Ministryy hnuai a awm a nih thu a sawi a, Sawrkar laipui in North East mite a duhsak em avang a interest hniam tak a Loan pek chhuak thei a nih thu a sawi bawk a ni.

Industry din te leh sumdawng te chuan Bank dang an dawr hma in NEDFI chu dawr phawt thin se a duh thu a sawi lang bawk a, he business meet ah hian NEDFI atanga Loan la LDF Cable TV leh M Space te pawhin thusawina hun an nei a ni.

Hemi hnu hian General Manager-District Industries Centre, Lunglei Pu Lalhmunmawia chuan thu sawi in mipui kalkhawm ten Loan an beisei dan chu tunhma ngaihtuah chuan an changkang tawh takzet a a hriat thu a sawi a, record felfai tak neih kawng ah Mizo sumdawng te chu tan la se a duh thu leh sumdawngte tanpui tur a Industry Department te an inpeih reng thu te a sawi a ni.