National leh State a chawimawina sang Bharat Scouts & Guides ten an dawn thin chu vawiin khan SAI Centre, Lunglei ah sem a ni. Heng award semna hun hi Pu J. Vansangzuala Secretary Lunglei District Bharat Scout & Guide Assn. in a kaihruai.

Khuallian Rev. Dr. CL. Hminga President Lunglei District Bharat Scout & Guide Assn. chuan thu sawiin State Council in chawimawina a pek theih sang ber leh a dawttu Governor's Award dawn chu thil awlai a nih loh thu a sawi a, Award sang zawk la thei tura beih a pawimawh thu leh a kalphung chu taksa leh rilru tana thanlenna leh mihring siamthatu a nih avanga a pawimawh thu a sawi a ni. Vawiina Award dawngtute hi mi 34 an ni a, heng zinga mi 3 te hian President's Award atangin Rastrapati Award an dawng a, Governor award an tih thin Rajya Puraskar, State award chu mi 17 hnenah hlan a ni a, heng bakah hian Bar to Merit Award mi 3, Medal af Merit Award mi 4, Long Service Decoration Award mi 5 leh Wooden Badge mi 1 ten an dawng bawk a ni.

Vawiina Bharat Scouts & Guides Award semna ah hian Pu Thankhuma State Secy. & Dy. Dir. SYS pawhin award sem a nih theih dan report a pe bawk a ni.