302/2023-2024

Lunglei the 3rd, May' 2023: Lunglei District Disaster Management Authority buatsaihin ni hnih( 3rd-4th, May, 2023) awhtur Capacity Building Training of Disaster Management & Rehabilitation First Responders chu vawiin khan Convention Centre, Lunglei ah neih a ni. Lunglei Bawrhsap Pi Ramdinliani, IAS chuan khuallian niin a hmanpui. Training ah hian District Executive Force, 2Bn MAP, 3NH Assam Rifles,184Bn BSF, 20Bn BSF, Sub-Hqrs YMA, Lunglei leh Lunglei Municipal Area chhunga branch YMA member 5 theuh te an tel a ni.

Training hi Pu H. Lalramenga, SDC, i/c DM&R in kaihruaiin Pi Ramdinliani chuan khuarel chhiatna thlen thulha chet lakna tura First Responders te puala training buatsaih hi lawmawm a ti a. Lunglei District in khuarel chhiatna hrang hrang lirnging, leimin, kangmei, tuilian te kan thleng thei a, Sorkar Department awm mahse chhiatna nasa zawk thlen thulha training neiten chhanchhuah hna an thawhin chhiatna tam tak a pumpelh theih thu a sawi a. Training kan neih hi chhiatna tan chauh ni lovin nitin kan khawsakna ah pawh hman tangkai theih tur thu sawiin First responders te a hun tak a chet lak theih nan training hi tha taka nei turin a chah a ni.

Vawiin training ah hian Dr R. Lalhminghlua, MD, Medical Officer, Civil Hospital, Lunglei in Mass Casualty Management, Pu H. Lalramenga, SDC i/c DM&R in Search & Rescue Techniques leh Items and Norms of Assistance from SDRF, Pi Chuaupari, District Organiser, DM&R in Role of First Responders in Disaster Management leh Nursing School, Lunglei in First Aid tih thupui hmangin zirtirna an pe a ni. Ni 4th, May' 2023 ah Practical Training on Alphine Style and Community -based Search & Rescue Techniques chu Pukpui Lunglei ah neih a ni ang.