301/2023-2024

Aizawl, the 3rd May, 2023: SCERT, Mizoram chuan International Literacy Day (ILD) denchhena 100 Days Reading Campaign a lo kalpui kharna hun vawiin khan SCERT Auditorium-ah a buatsaih.

He Reading Campaign neih chhung hian Aizawl khawpui chhunga Primary School leh Middle School thenkhatah Awareness Drive on Importance of Reading hun hman a ni a. District hrang hranga DIET te nena thawk ho in SCERT chuan Reading Campaign programme a buatsaih a ni.

Aizawl chhunga Government Primary School thlan chhuah sawmpanga (15)-ah Reading Festival neih a ni a. Hei bakah Aizawl veng hrang hrang YMA aiawh mi pahnih theuh sawmin lehkha chhiar pawimawhna in zirtir tharna hun bakah naupangten lehkha chhiar an taihmak thar theihna atana hmalak dan tur sawi hona hun hlawhtling tak an hmang bawk.

He 100 Days Reading Campaign kharna hunah hian Pi Lalduhawmi Thomte, Deputy Director, SCERT chuan 'Reading- An Investment for Life' tih thupui hmangin thu a sawi a. NEP 2020 in lehkha chhiar a rawn ngaih pawimawh thar dan te sawiin, tunlai khawvela inawm tleina dang hrang hrang tam tak awm tawh karah kan suangtuahna ti nung theitu lehkhabu chhiar hi kan uar thar a pawimawh zia a sawi.

He hunah hian Caroline Zonunpuii, Class V, Govt Model English P/S, Nursery Veng leh Lalrammawii, Class-II, Govt. Chaltlang P/S a zirlaite chuan thuziak tawi chhiar chhuahna hun an hmang a, Govt. Rev. Thianga Primary School, Bethlehem vengthlang te chuan Buh tuh Lâm mawi takin an entir bawk.