Vawiin chawhma khan Bazar Veng Community Hall, Lunglei-ah Industry Sector hnuaia NLUP 4th Phase, Final Installment leh NLUP-NEDP Convergence 1^st Installment chu Lunglei North leh Lunglei West cluster-a beneficiary-te hnenah tanpuina sem a ni. Lunglei West bialtu MLA Pu Chalrosanga Ralte chuan khuallian niin he tanpuina sem inkhawm hi a hmanpui.

Pu Chalrosanga Ralte chuan Lunglei North leh Lunglei West Cluster a Commerce and Industries Department hnuaia NLUP tanpuina dawngtu kalkhawmte chu a lawmpui thu sawiin dikna, rinawmna leh taimakna nen hma la chho zel turin a chah a. Sawrkarin NLUP kalpui zel a tum thu sawiin mi rethei leh harsa zawkten eizawnna ngelnghet an neih theihna turin sawrkarin hma a la chhunzawm zel dawn a ni, a ti a. Hlawhtling tura theihtawp chhuah chu a dawngtute mawhphurhna a ni tiin kalkhawmte chu NLUP an dawn chhan hre thar leh turin a chah bawk.

Vawiin NLUP leh NEDP tanpuina semchhuahna inkhawm hi Lunglei DIC General Manager Pu Lalhmunsiama’n kaihhruaiin Pu F. Lalsawmliana, IPO-in Technical Report a pe a. Pu Zathangliana, Lunglei District NLUP Co-ordinator-in lawmthu sawiin huntawp a khar a ni.

Vawiina NLUP tanpuina sem zawng zawng hi Rs. 46,72,000/- niin beneficiary 157 an awm a, Industries Sector hnuaia trade hrang hrang 6 thlangtute an ni. Hetiang hi cluster hrang hranga sem dan a ni:

 NLUP-NEDP Convergence hnuaiah Rs. 7,50,000/- sem a ni bawk: