Nimin khan Urban Development and Poverty Alleviation Department, Lunglei buatsaihin Convention Centre, Conference Hall Lunglei ah Consultative Meeting On Sustainable Urban Street Sweeping chungchang ah Lunglei khawpui chhunga Village Council Member te nena nghelnghet zawka faina kalpui dan tur sawihona neih ani. Pu Benjamin Lalzama, Addl. Deputy Commissioner, Lunglei chuan khuallian niin a hmanpui. Consultative Meeting hi Pu Andrew Lalhruaia, DUDO, UD&PA Dept. Lunglei in kaihruaiin Pu Benjamin Lalzama chuan tunlai khawvel ah faina hi ram changkang leh kang lo tehnnan an hmang a, ram hausa te hi ram changkang an ni kher lo ani. Hriselna, Faina, Zirna leh Infant Mortality Rate bakah mihring cheng te atang hian  teh nan an hmang thin ani. Faina leh thianghlimna kawngah mipui tha thawh hi a pawimawh dawn a, engtinnge tha kan thawh ve theih ang tih sawiho a ngaih thu a sawi. Kan veng, kan khawlai tih fai hi kan thinlungah bet tlat se, hei hian neitu  nihna ati lang dawn ani. Inrawnkhawmna hi Lunglei tan tangkai taka hman leh rah tha a chhuah a beisei ani.

Pu Andrew Lalhruaia, DUDO, UD&PA Dept. Lunglei in thuhma sawiin Lunglei ah hian mihring kan pung a, ati hnawktu an tam a, Dept. atanga tifai tu an tlem  tial tial a, chuvangin khawpui fai tura hmalakna ah veng mipui te tel ve a ngai ani ati. Faina tluantling leh ngelnghet nei tur chuan sorkar leh mipui te thawhhona in a tifai tu rawih dan sawi ho a ngaih thu a sawi ani. Chawhnu lam ah Pu Andrew Lalhruaia, DUDO kaihhruaina vek hian Khawpui chhunga Village Council Member, Branch YMA leh Sub Hqrs YMA aiawh te nen Convention Centre Hall, Lunglei ah Workshop on  Sustainable Urban Sanitation chungchang zirhona neih ani Pu Eddie Zonunkima, SDS, UD&PA Dept. in Swachh Bharat Mission hmalakna te tarlangin, nghelnghet taka Khawpui faina, Bawlhlawh paih dan, sawngbawl dan tur te zirhona an nei ani. Zawhna leh chhanna hun hman a ni bawk.