No.4164/2020-2021 

Lunglei the 17^th, Aug’ 2020: Vawiin chawhnu khan Lunglei Deputy Commissioner Pu V. Lalsangliana kaihhruaina in ama office chamber ah Coordination Committee on National Deworming Day 2020 (Rulhut damdawi pekna ni) hman dan  tur rel ani. He Coordination Committee ah hian Dr, Lalthlamuana, CMO, Lunglei, Dr. Lalrintluangi, SMO leh line Department aiawhte an tel  bawk ani.

National Deworming Day hi kumdangah chuan School ah urhsun taka hman paha rulhut damdawi pek thin ani a , Kumin ah chuan Covid 19 avangin School ah Programme siam lovin naupang kum 1 atanga kum 19 inkar te hnenah ASHA leh Anganwadi Worker ten anmahni bial theuh ah in tina kal chilhin Rulhut damdawi (Albendazole Tablet) pek tur atih ani a. Naupang te an lo hrisel zawk nan Nu leh Pa ten mahni fate Rulhut damdawi lo eitir ngei turin committee chuan angen ani. Kumin ah Rulhut damdawi Lunglei leh Hnahthial District naupang kum 1 atanga 19 inkar 49290 te hnen ah ni 24^th-28^th August 2020 chhung a pek tum ani.

Dr. Lalrintluangi. SMO, Lunglei chuan Universal Immunization Programme kum 2020-21 Lunglei District hmalakna tarlangin 1^st quarter 2020- 21 chhungin BCG, Penta III, OPV III leh Measles Rubella chu 87% pek niin Intensified Mission Indradanush 2.0 vaccine hi kum 2019-2020 chhungin naupang target 533 ah 547 (103%) te hnenah hri danna pek ani . Nu naupai target 111 ah 131(118%) te hnenah hri danna pek ani bawk. Zenghri danna  Kum 2020 chhungin 1^st round ah naupang kum 5 hnuailam mi 13478 ah 13880(103%) te hnenah hri danna pek ani.