Vawiin khan Lok Sabha MP inthlanna neih zawh taka Lunglei District huam chhung Constituency 7 a vote tla te chhiarna atan Counting Agent te Convention Centre Hall, Lunglei ah training pek ani.

Training hi Pu James Lalnithanga, Election Officer, Lunglei in kaihruaiin Pu T.T. Lalnunmawia, District Level Master Trainer chuan vote chhiar tura inpuachahna tlangpui sawiin Saikuti Hall Ground Floor ah Lunglei District huam chhunga Constituency 7 tan counting centre 7 siam niin table 60 dah ani ang a, Counting Supervisor 60 leh reserve 12 an awm ang a, Asst. Counting Supervisor 60 leh Observer puitu tur mi 7 dah an nih tur thu a sawi. Counting Centre 7 ah Counting Agent political party hrang hrang aiawh te tan an awmna tur siamsak anih thu sawiin vote chhiar dan, dan zawmtur leh counting Agent te tih tur leh tih loh tur te a sawi bawk a ni .