479/2024-2025

Lunglei; the 14^th May, 2024: Vawiin chawhma dar 11:00 khan DC Conference Hall-ah Lunglei DCC/DLRC/DLSC chairman leh district bawrhsap ni bawk Pi Ramdinliani IAS hovin DCC/DLRC/DLSC meeting neih niin, kum 2023-2024  chhunga Lunglei District chhunga Bank 8 te hmalakna hrang hrang  thlirlet (review)/zirho a ni.

Chairman Pi Ramdinliani chuan DCC/DLRC/DLSC quarterly meeting-a Kum 2023-2024 chhung atana last quarter meeting an nei thei tur chu lawmawm a ti thu sawiin, member ten quarterly meeting-ah ngai pawimawh avangin lawmthu a sawi bawk. Pi Ramdinliani chuan Banker te chu mipui  rawngbawl an ni tih hre renga tur leh mipuiten Bank kaltlang hamthatna scheme hrang hrang awmte chiang taka an hriat theihna’n Financial Literacy Campaign pawh uar zual sauh turin Banker kalkhawm te chu a chah hlawm.Meeting-ah hian  DCC/DLSC/DLRC chairman Pi Ramdinliani chuan Annual Credit Plan,2024-2025 a tlangzarh nghal bawk a ni.

Vawiin meeting-ah hian Pu K.Beihmotaosa, Addl.SP chuan Bank Security chungchanga hriattur pawimawh CCTV Maintenance, Bank related cyber crime, Impersonation, Fake Currency.etc..te tarlangin, Police te chu security thilah Bank te puibawm turin an inpeih reng thu leh harsatna an tawh chuan Police hnena hriattir vat thin turin Banker kalkhawm te chu ngen bawk a ni. Tun last quarter chhung hian Lunglei district chhungah Financial Literacy campaign vawi 5 neih a nih thu report a ni a. Kum 2023-2024 chhunga Lunglei district CR ratio chu 68.96 a ni a, 3^rd  quarter-a 70.29 aiin a hniam hret a,  3^rd quarter-a growth rate 6.3% a ni laiin,a kum khat chhunga growth rate erawh 10.05% a ni thung.

Tun dinhmunah Lunglei District-ah Bank 8: State Bank of India, IDBI, HDFC Bank, Axis Bank, Canara Bank, Apex Bank, Punjab National Bank leh Mizoram Rural Bank - te an awm mek a ni.

Vawiin meeting-ah hian agenda 15 awmin, Lead Bank Manager Pu H.Lalhlimpuia chuan agenda-te sawihawnna leh sawifiahna hun a hmang a. Pu Mrinal Giri, Manager & Lead District Officer, RBI (Aizawl) pawhin Banker te fuihna thu leh an hriattur pawimawh hrilhhriatna hun a hmang bawk. Meeting-ah hian Bank 8 leh line departments (Agriculture, Horticulture, DIC Industries, KVIC, Minor Irrigation leh DRDA) aiawhte an tel kim hle a ni.

Vawiin DCC/DLRC/DLSC meeting-ah hian Kum 2023-2024 chhunga  MRB,MCAB leh SBI ten PMEGP  hnuaia an hmalakna te review nghal a ni.