478/2024-2025
Aizawl the 14th May, 2024: Vawiin khan Mizoram Board of School Education (MBSE) chuan kumina neih, High School Leaving Certificate Examination (HSLC) 2024 result a tichhuak a. Exam beitu zirlai zawng zawng zinga 73.37 % te chuan he exam hi an pass a ni.
HSLC Examination 2024 hi zirlai 18,561 in an bei a, heng zinga mi 13,618 ten hlawhtlinna changin mi 4837 ten hlawhtlinna an chang zo ve lo a ni. Mi 106-te chu Compartmental Chance pek niin an failed na subject-ah te an exam tha leh thei dawn a ni.
Zirlai exam zawng zawng zingah hmeichhia tam zawkin 9907 in exam hi an pe a, mipa 8654 in a pe bawk a ni. Zirlai hlawltlinna chang zawng zawng zingah 7181 te chu hmeichhia niin a bak 6437 te chu mipa an ni.
HSLC Exam Result in a tarlan dan chuan zirlai hlawhtling zingah hian Distinction 1332 awmin, 1st Division a pass 3801, 2nd Division a pass 5564 leh 3rd Division a pass 2921 an awm a ni.
MBSE HSLC Examination 2024 Result chhuaka Top 10 te chu -
Pakhatna: Lalmoipuia Lawmzual s/o HL Lawmzuala, St Paul's HSS ami niin, Mark 485 a hmu a ni.
Pahnihna: Vanlalmuanpuii d/o R.Lalthazuala, St Paul's HSS ami niin, Mark 480 a hmu a ni.
Pathumna: H. Lalsangpuia s/o H.Lalhumhima, St. Joseph HSS ami niin, Mark 478 a hmu a ni.
Palina: Lalramluahpuii d/o C.Lalduhawma, St. Joseph HSS ami niin, Mark 476 a hmu a ni.
Pangana: Vanlalenkawli d/o C.Laltlansanga, St. Joseph HSS ami niin, Mark 475 a hmu a ni.
Parukna: C. Lalhruaitluanga s/o C.Zaihmingthanga, St. Paul’s HSS ami niin, Mark 474 a hmu a ni.
Pasarihna: Zomuansanga s/o Francis Zothanmawia, Goodwill English Academy ami niin Mark 472 a hmu a ni.
Pariatna: Malsawmkima s/o Lalbeiseia, St. Paul’s HSS ami niin, Mark 470 a hmu a ni.
Pakuana: Vanlalhruaii d/o H.Lalbiaksanga, Mount Carmel School leh Lallawmsangin d/o Lalsangliana, St. Joseph HSS, te niin Mark 467 an hmu a ni.
Sawmna: Hmangaihtharzeli d/o MS Dawngliana, Greenland HSS, Chaltlang; Sourav Jaishi s/o Deburam Jaishi,St. Joseph HSS; Priscilla Lalmawikimi d/o Isaac Vanlalhruaia, St. James School leh Vanlalhruaizeli, d/o Hmingthantluanga, K.D. High School te niin Mark 465 an hmu a ni.
District sawmpakhat zingah Aizawl District atanga Regular candidate exam te an pass percentage sang berin 83.3% a ni a. Lawngtlai District atanga exam te pass percentage chu hniam berin 49.97% a ni.
Tun HSLC exam-ah hian school, zirlai 100% -a pass nei 85 awmin, 100% a fail nei 18 an awm ve thung a ni.
Enkawltu hrang hrang hnuaia pass tam dan MBSE Result bu in a tarlan danin Deficit school atanga exam pe te pass percentage sang berin 91.2% a ni a. Private candidates tih lovah chuan Govt. School atanga exam te pass percentage hniam berin 63.28% a ni.
