Vawiin chawhma khan DC's Conference Hall Lungleiah Tentative Programme for Disaster Audit, Lunglei District neih a ni.
He hun hi Pi Lalnunkimi SDC Lungleiin a kaihruai a, Lunglei Bawrhsap Pi Lalzarmawii IAS chuan Directorate of Disaster Management & Rehabilitation Dept. leh Lunglei a Dept. Official te hnenah hetianga programme tha tak neih theih a ni chu lawmawm a tih thu a sawi a, khuarel chhiatrupna chu engtiklai pawh a thleng thut thei a ni tiin Lirnghing natna Sesmic Zone V a awm kan nih angin ruahsur nasa leh thildang avangin leimin nasa tak te tawk thut thei reng kan ni tiin chutiang ang chhiatrupna a lo thlen pawh a a tuartuten nep zawka an tawrhna tur leh chhan chhuahna leh tanpuina hna rang taka kalpui a nih theihna turin ruahmanna fel tak neih a tul thu a sawi a, ruahmanna tha leh felfai a awm phawt chuan harsatna tam zawk kan pumpelh thei dawn a ni a ti a, Dept. tin ten training petute zirtirna ngai pawimawh leh zuala hmang tangkai turin kal khawmte a chah bawk a ni. Hei bakah hian Pi Lalzarmawii chuan chhiatrupna a lo thlen thulha a mawhphurtu department te thawh hona tha nen a in pui tawn turin a chah bawk.
Vawiina meeting-ah hian District Disaster Management Plan thiltum leh hmalakna bakah Lungleia sawrkar Department hrang hrangte mawhphurhna sawi ho a ni a. District Disaster Management Committee in Department hrang hrang te, chhiatrupna a lo thlen thulha ruahmanna siam lawk vek tura a lo tih tawh angin Dept. hrang hrang ten ruahmanna an siam tawh dan sawifiahna hun an hmang bawk a ni. Hei bakah hian SE PWD, SE P&E leh CMO bakah SP Office Lunglei ten Disaster Management plan an siam tawh dan power poin presentation hmangin an entir a, District Emergency Operation Centre a hmanruate chhiatrupna a lo thlen palh thil thua hman mai thei turin peih sa a ni em tihte enfiah a nih rualin a taka hman chhin nghal a ni bawk.
Vawiin a Disaster Audit ah hian Directorate of DM&R atangin mi thiam thlan bik ten chhiatrupna a lo thlena chet lek dan tur leh chhawmdawlna hna thawh dan turte an zirtir bawk a ni.
