2947/2022-2023

Lunglei the 5th December, 2022: Vawiin khan DC Conference Hall, Lunglei ah Additional Deputy Commissioner Lunglei, Pu Donny Lalruatsanga kaihhruaiin District Consultative Committee/ District Level Review Committee/ District Level Security Committee Quarterly Meeting For September, 2022 neih a ni. Meeting ah hian District Lead Bank Manager, Pi Lalremsangi, NABARD DDM, Pu Evan T. Munsong bakah RBI, Bank hrang hrang Manager te leh Line Department hrang hrang aiawh te an tel a ni.

Lunglei District hmasawnna tura Bank-te leh Line Department-te hmalakna tur pawimawh zirlawkna lehkhabu ‘Potential Credit Link Plan 2023-24’ chu Pu Donny Lalruatsanga chuan meeting-ah hian a tlangzarh a ni.

He meeting a pharh September 2022 quarter tawp a Lunglei District chhunga Bank hrang hrang te hmalakna tlangpui chu hetiang hi a ni. Bank hrang hrang te venhimna Bank Security dinhmun zirho a ni a. Lunglei District huamchhunga Bank pathum - Punjab National Bank (PNB), North East Small Finance Bank (NESFB), MRB Lunglei Electric Veng te chu an Branch ah Security Guard la awm lovin dah thuai tura hriattir an ni a. Kangmei chhuak thei laka Branch te an him em tih pawh ngaihtuah ho niin SBI Branch-te, PNB leh Axis Bank-ten a tul ang Fire Audit nei tawhin Bank dang te pawh Fire Audit nei thuai tura hriattir an ni. Lunglei Police atanga report dawn danin zan lamah Bank branch-te surprise checking neih thin niin Security Guard ten an veng tha thawkhat a hriat a ni.

Lunglei District chhunga Bank Credit Deposit Ratio (CD Ratio) chu September 2022 ah 62.82% a ni. Reserve Bank of India in CD Ratio a bituk zat chu 60% niin Bank thenkhat 60% phalo te pawh tan la tura hriattir an ni.

Agriculture, MSME leh Other Priority Sector te hnena loan pekchhuah chungchang pawh sawiin Agriculture hnuaiah annual target cheng nuai 5030.06 ah September 2022 quarter chhungin cheng nuai 1753.48 an pe chhuak a, MSME hnuaiah anuual target cheng nuai 4600.14 ah September 2022 quarter chhungin cheng nuai 2516.59 an pe chhuak bawk. Other Priority Sector hnuaiah annual target cheng nuai 2762.26 ah September 2022 quarter chhungin cheng nuai 1753.87 an pe chhuak a ni. Kuthnathawktute tana loan Kisan Credit Card (KCC) Crop loan ah mi 979 te hnenah cheng nuai 725.79, Animal Husbandry ah mi 230 te hnenah cheng nuai 275.65 bakah Fishery ah mi 1 hnenah cheng nuai 1.60 an pe bawk. Prime Minister's Employment Generation Programme (PMEGP) ah September 2022 thleng khan mi 45 te hnenah loan cheng nuai 141.16 pe chhuakin UD&PA hnuaia Self Employment Program (SEP) ah mi 5 hnenah cheng nuai 8.74 sanction a ni. Sawrkar Laipui scheme Pradhan Mantri Mudra Yojana (PMMY) hnuaiah September 2022 thlengin mi 684 hnenah loan cheng nuai 1733.49 lakhs pek chhuah tawh a ni bawk.

Bank chungchang hriattur pawimawh hrang hrang mipui mimir hnena zirtirna Financial Literacy Camp chu Lunglei District-ah September 2022 chhungin Bank Branch 10-ten tum 35 neiin heng camp ah te hian a zavaiin mipui 1955 an tel thei a ni.

A chunga loan tarlan te leh hmalakna te khi Lunglei District chhunga Bank branch 21 - SBI Lunglei, SBI Chanmari, SBI Tlabung, SBI AOC Square, Axis Bank, Canara Bank, HDFC Bank, IDBI Bank, Punjab National Bank, MRB Lunglei, MRB Lunglawn, MRB Serkawn, MRB Buarpui, MRB Bunghmun, MRB Haulawng, MRB Lungsen, MRB Tlabung, MRB Lunglei Electric Veng, MCAB Lunglei, MCAB Zobawk leh NESFB te an ni.