No.2693/2021-2022

Aizawl, the 22th, October 2021: Vawiin khan NIC Video Conference Room, DC Office, Lungleiah District chhunga Central Sawrkar sum hmanga hmasawnna hnathawh hrang hrangte enzuitu District Development Co- Ordination and Monitoring Committee (DISHA) chu chairman Pu C. Lalrosanga, MP (Lok Sabha) hovin Virtual Meeting neiin an thukhawm, Sawrkar laipui Scheme kalpui dan hrang hrang te thlirho ani.

Chairman Pu C. Lalrosanga chuan hrileng avanga virtual meeting hmanga DISHA neih a tul tak thu sawiin, Lunglei DC, Official, NGOs leh member te an tel theih avangin lawmthu a sawi a. Sawrkar laipui Scheme thlirletna hun hman chuan thawhhona tha zawk leh inhriatpui tawnna a thlen thu a sawi a. Sawrkar laipui Scheme pawimawh tak tak thawktu Department hrang hrangte chu hunbi tuk chhunga an hnathawhte zo hman tum turin a chah bawk a ni.

Meeting a tarlan anih dan chuan hian Lunglei DRDA hmalakna MGNREGA hnuaiah kum 2020- 2021 chhungin Lunglei, Lungsen leh Bunghmun Block ah ni 100 ah ni 100 inhlawhna neih ani a, kum 2021-2022 September thla thlengin Lunglei ah ni 65, Lungsen ah ni 64 leh Bunghmunah ni 66 inhlawhna neih tawh ani. Kum 2017 April atanga kalpui Pradhan Mantri Awaas Yojana- Gramin(PMAY-G) hnuaia Lunglei District chhungah chhungkua 1742 ten insak tanpuina dawng thei an awm ani. Pradhan Mantri Krishi Sinchayee Yojana (PMKSY)ah project 15 kalpui mek ani. Women & Child Development hnuaiah ICDS project 4 Bunghmun, Hnahthial, Lunglei leh Lungsen te awmin Ananwadi Centre 418 a awm a, Pre School naupang kum 3-6 inkar 8015 an awm ani. Social Welfare & Tribal Affairs hnuaiah Indira Gandhi National Old Age Pension Scheme hnuaia kum 80 chunglam mi 1410 te hnenah Rs 600/= leh kum 60- 79 mi 5380 te hnenah Rs 300/- thlatin tanpuina pek thin ani.Samagara hnuaiah Lunglei District chhungah Mid Day Meal Primary School 264 ah naupang 13383 leh Middle School 187 ah naupang 8974 te hnenah pek thin ani. PHE Department hmalakna Jal Jeevan Mission (JJM) hmangin Lunglei District ah khaw 19 ah tui connection pek mek ani. PMEGP hnuaiah Bank 8 ten loan cheng nuai sawmsarih pahnih leh singkhat sangsarih an pe chhuak ani. PWD hnuaiah PMGSY hna Lunglei Division hnuaiah hna 6 kalpui mekin Tlabung Division hnauiahhna 21 kalpui mek bawk ani. Swachh Bharat Mission (Urban) ah Lunglei Khawpui hi Open Defecation Free kan ni a, ODF + dil mek ani. Kum 2021- 2022 chhungin Individual Household Latrines (IHHL) 1335 sak zawh niin khawpui chhungah hoarding faina chungchang tar ani bawk. Pradhan Mantri Awas Yojana(PMAY) Housing for All (HFA) Urban hnuaiah Lunglei khawpui chhungah kum 2020-2021 chhungin beneficiaries 393 te hnenah loan pek an ni. Pradhan Mantri Ujjawala Yojana(PMUY) hnuaiah Lunglei District chhungah beneficiary 8013 te hnenah Gas Connection pek an ni. Aadhaar Card leh Ration Card thlunzawm hi 1st October thla thleng khan 64.91% zawh ani. Lunglei District ah kum 2020-2021 ah Infant death 37 awmin kum 2021-2022 August thla thlengin Infant death 13 an awm a, kum 2020-2021 chhungin maternal death 3 awmin kum2021-2022 ah meternal death 1 a awm ani. Integrated Disease Surveilance Programme (IDSP) ah Lunglei District chhungah kum 2020- 2021 September thla chhungin Covid 19 positive 6944 awmin, dam 5967 an awm ani. BADP hna kum 2019-2021 chhungin Bunghmun Rural development Blockah 40 a awm a, Lungsen Rural Development Block ah hna 12 aawm bawk ani. BSNL in 2.5GDWDM chu 10G system in an tisang ani. Hnahthial ah pawh High Speed Internet BSNL FTTH connection pek ani

He meeting ah hian Lunglei Bawrhsap Pu Kulothungan A, IAS, Pu K.Lalrohlua, Project Director, DRDA leh Line Department hrang hrang bak ah NGOs hrang hrangte an tel a ni.