No.2692/2021-2022

Aizawl, the 22nd October 2021 : Sr. Superintendent of Police Pu Rodiangliana Chawngthu chuan SIPMIU (NERCCDIP) ten Chanmari Veng huam chhung (Chanmari West peng, BOC peng) ah Tui Pipe lian phum hna an thawh dawn avangin a hnuaia mi ang thupek a chhuah:

1. Ni 23.10.2021 (Inrinni) chawhma dar 11:00 atangin Chanmari/Chanmari West peng atanga Chanmari West inkar ah Tui Pipe lian phum hna thawh anih dawn avangin Chanmari leh Chanmari West inkarah lirthei engchimah a tlan thei dawn lova, helai hmun kaltlang tur te chuan Vaivakawn to Bazar Bungkawn via Dawrpui Vengthar lamah emaw Vaivakawn to Temple Square via Tuikual lamah an kal thei ang. Tin, Hnathawh na huam chhung kawngpui dung ah lirthei engchimah dah/park phal a ni lo.

2. Ni 25.10.2021( Thawhtanni) atangin BOC peng atanga Chanmari, Chanmari West peng inkar ah Tui Pipe lian phum hna thawh anih dawn avangin hna thawhna huam chhung kawngpui dung ah lirthei engchimah dah/park phal a ni lo. Hemi hun chhung hian lirthei tlan dan pangngai (one way) in an tlan thei ang.

He thupek hian chhiatrupna thil kangmei leh emergency kaihhnawiha duty leh Dan leh Thupek pawimawh bika Duty-te chetvelna a huam lo ang. A hmuna Traffic police duty ten a tui dan a zirin ruahmanna an siam thei ang.

He thupek hian hna thawh zawh anih hma chu a huam ang tih mipuite a hriattir bawk a ni.