505/2023-2024

Lunglei the 19th, May' 2023: Vawiin khan Lunglei Addl.Deputy Commissioner Pu Donny Lalruatsanga  kaihhruaiin DC Conference Hall ah Lunglei District Level Committee on Solid Waste Management meeting neih a ni.

Meeting kaihruaitu Pu Donny Lalruatsanga chuan  Lunglei District-ah bawlhhlawh sawngbawl tha zawka kalpui  anih theihnan member ten ngaituahna senga ruahmanna mumal tak neih a ngaih thu a sawi a ni.

Pu C.Sawihlira DUDO Lunglei chuan bawlhhlawh sawngbawl leh faina kawng a Lunglei District huamchhunga hmalakna hrang hrang  meeting ah hian tarlang a. District Level ah hian Committee paruk  District Level Committee  on Solid Waste Management, Lunglei Sanitation Task Force, Biomedical Waste Management Committee, Single Use Plastic Free Committee, Awareness on Solid Waste Management Committee leh Auditing Performance of Garbage Vehicles te chu din a ni tawh tih sawiin Solid Waste Management Centre sak hna pawh kalpui zel niin Resource Mangement Centre Building sak hna thawh mek a nih thu DUDO chuan a tarlang bawk a ni. Meeting ah hian single use plastic sawngbawl dan te, bawlhhlawh paih motor in khawpui chhunga bawlhlawh paih dan te, bawlhhlawh thliar hran chungchang a awareness tam zawk mipui te hnena pek angaih thu te a sawi a. Bawlhhlawh paih man leh Solid Waste Management dan bawhchhia te pawisa chawi theih dan pawh tarlan a ni bawk.

Solid Waste Management (Gramin) Lunglei Block chhung khaw 38 ah Community Soak Pit leh Community Compose Pit siam zawh a nih thu Er. Laltlanchhunga, Sr. EE, PHED Lunglei chuan a tarlang a, Single Use Plastic sawngbawlna Lunglei Luangmual a mi chu hman tangkai a nih thu a tarlang bawk.

Meeting chuan Lunglei District  Solid Waste Management Plan siam ah hian PHE Department in Gramin a an hmalakna leh hmachhawp te bakah  member ten rawtna an neih te chu tun thla chhunga plan a telh turin DUDO ah thehlut tura tih a ni.