1409/2023-2024

Lunglei the 8th, Aug' 2023: Nimin chawhnu khan DCs, Conference Hall, Lunglei ah Pi Ramdinliani, IAS, Deputy Commissioner leh Chairperson District Level Coordination Committee for National De-Worming Day nibawk kaihhruaiin National De-Worming Day 1st Round, 2023 hmandan tur meeting neih a ni. Meeting ah hian Health Department, Women & Child Development Department, School Education leh I&PR Department aiawh te an tel a ni.

Chairperson Pi Ramdinliani chuan naupang kum 1-19 inkar ten rulhut an pai lohna turin rulhut hlo pek beihpui leh rulhutin a nghawng thalote inhrilhhriatna hun National De-Worming Day hman dan tur rel tur a lokal member te a lo lawm a ni.

Dr. Lalrinthangi, Senior Medical Officer, Lunglei chuan National De-Worming Day hman tawh dan tlangpui sawiin De-Worming Day hi naupang kum 1-19 inkar te hnenah rulhut hlo Albendazole pek thin a ni a, kumtin vawihnih an pek thin thu a sawi bawk.

Meeting chuan National De-worming Day chu ni 10th, August, 2023 chawhnu 1 PM ah hawnna hun hman nise, a hmun atan Govt. Chanmari Primary School II, Lunglei, khuallian ah Pi Ramdinliani, Deputy Commissioner, Lunglei nise tih rel a ni. Hemi ni vek hian Govt. School, Govt. Aided School, Anganwadi Centre, kum 1-5 Anganwadi Centre a hming ziaklo, naupang kum 6-19 inkar School kallo leh College zirlai te hnenah rulhut hlo pek vek tum a ni a, hemi ni a la hman lo te tan ni 17th, August, 2023 ah Mob Up Day ah pek leh tur a ni. Kumin 1st round ah School 1058 a naupang 75,000 te hnenah rulhut hlo pek tum a ni. 2nd round February, 2023 ah rulhut hlo 99% pek a ni.