1408/2023-2024

Aizawl, 8th August 2023: Vawiin khan Raj Bhavan-ah Governor Dra Hari Babu Kambhampati chuan Pu R.Lalramnghaka, Secretary, Pi Florence Zotluangpuii, Director leh Commerce & Industries Department hotu dangte a kawm a. He meeting-ah hian Governor chuan kumin Gandhi Jayanti ( October 2)-ah hian Handloom, Handicrafts leh tualchhung kut hnathawktute thil siam dangte tihlarna tur atan Fair emaw Exhibition buatsaih dan tur te official-te a sawipui a ni.

Governor Dr Hari Babu Kambhampati chuan state economy tana handloom, handicrafts leh cottage industry dangte a pawimawh thu a sawi a. Heng kutchhuakte hian Mahatma Gandhi nen inzawmna nghet tak an nei tih a sawi a. India Hnam Pa piancham pha phak ah hian Handloom leh handicraft fair buatsaih chu thil tih awm tak a ni a ti. “He Fair buatsaihna a lo nih chuan, Handloom leh Handicraft hmanga eizawngtute kan tanpuina remchang leh kan kutchhuak te kan vawrh lar na a ni pah fawm dawn a. mipuite chu he hun chhim tur leh heng kan kuthnathawktute kutchhuak hi pakhat emawl tal leisak turin ka sawm nghal a ni”, a ti.

Exhibition neihna atan hian Governor chuan Raj Bhavan rawt a, kuthnathawktu leh tualchhung entrepreneur te chu he bhunah hian  an thil siam rawn zuar a,  phochhuah turin a  sawm a. Hemi pual hian Raj Bhavan pawh mipui tan hawn a nih tur thu a sawi bawk.