4250/2023-2024

Lunglei, the 19^th March,2024:  Kan hma lawka Lok Sabha Inthlanpui kan neih tur atana inpuahchahna kal zelah, vawiin chawhnu dar 1:00 khan District Election leh bawrhsap ni bawk Pi Ramdinliani Office chamber-ah District Level Media Certification & Monitoring Committee (MCMC) member te an thukhawm.

Vawiin meeting-ah hian political advertisement a lo awm a, pre-certification kalpui dan tur te, 127A Section of The RP Act,1951 behchhana Print leh Social Media-a Paid news leh  Political Advertisement vil dan tur te sawi ho a ni.

DEO leh District Bawrhsap ni bawk Pi Ramdinliani chuan District Level MCMC member te chu Lok Sabha Inthlanpui tluang leh felfai tak neih a nih theih nan theihtawp chhuah turin a sawm hlawm a ni. Vawiin MCMC thutkhawm-ah hian Lunglei District MCMC Member Secretary Pu N.Vabeiratlua, Deputy Director i/c DIPRO Lunglei chuan District Level MCMC mawhphurhna leh an hmalak dan tur inhrilhriatna hun a hmang bawk.