4251/2023-2024
Dated:Aizawl, 19th February,2024: Sawrkar hriattirna (Notification No. F.16013/1/2018-PHE) ni 7th April,2022-in a lo tarlan tawh angin Mizoram hmun hrang hrang a enfiahna (survey) awm lo leh phalna nei lovin mahni thua tui verh (lei verh a lei chhung tui siak chhuak) an awm thin tih hriat a ni a. Enfiahna leh zir chianna awm lova tui verh hian harsatna a thlen theih thu leh tui verh turten phalna an lak a ngaih thu inhriattirna siam a ni tawh bawk.
Phalna nei lovin tui verh an la awm zel niin thu dawn a ni a, chuvangin a hnuaia inhriattirna hi mipuite hriat tur leh zawm atan tih chhuah a ni.
Lei chhung tuiverh reng rengin thuneitute hnenah phalna lak hmasak tur a ni a. Mizoram Ground Water (Control and Regulation) Act,2023 hmangin tuiverh dilna leh enkawl zui zelna tur hi dan siamthat mek niin peih fel tép a ni a. A dilna dan peih fel hma hian tui verh lama hma la rih lo turin mipuite kan inhriattir a ni.
Phalna nei lova tui verhte hi Mizoram Ground Water Act, 2023 section 29-na hmangin hrem theih an ni a. Phalna nei lova tui verh ten buaina an tawk a nih pawhin anmahniin mawh an phur ang.
