4252/2023-2024

Dated Serchhip, the 19^th March, 2024: Vawiin khan Serchhip DC Pu David Lalthantluanga, District Election Officer ni bawk hovin Serchhip DC Meeting Hall-ah election official leh political party aiawh ten  Lok Sabha Inthlanpui 2024-a candidate-te campaign senso chhutna atana hman tur thil man Rate Chart an bithliah.

Election Commission of India chuan inthlanna dik leh felfai a awm theih nan candidate tin te campaign-na atana sum an hman theih zat bithliahin an senso chhut sak thin a ni a. Senso awm thei tur ni awm anga lang chi hrang hrang – aurinna, pandal, flag, poster, banner leh hoarding, lirthei hawh man, ei tur leh riah man, hall leh thuthleng hawh man leh a dangte bakah electronic, print leh social media a fakna chhuah man te chu ngun taka ngaihtuah a ni. MLA Election 2023-a rate lo hman tawh te ennawn niin siamthat ngai, paih leh belh ngai te sawiho a nih hnuah rate chart hi pawm a ni.

Meeting-ah hian Addl. DC Pu James Lalnithanga, Election Officer, DIPRO leh official dangte bakah Political party hrang hrang aiawh te an tel a ni.