1326/2022-2023
Lunglei the 22nd, July' 2022: Vawiin chawhnu khan Lunglei Distict Level Monitoring Committee on Central Sector Scheme “Formation and Promotion of 10,000 Farmer Producer Organisations (FPOs)” chu an Chairman Pu Kulothungan A, IAS, Deputy Commissioner, Lunglei kaihhruaiin DC Conference Hall-ah an thukhawm. He Scheme in a tum ber chu kuthnathawktuten awmze nei leh hlawk zawka an thawh rah an seng theihna tura mumal taka an thawhhova an inzawmkhawm theihna tura Farmer Producer Organisation (FPOs) kaltlanga hmalak a ni.

Meeting-ah hian NABARD leh Lead Bank hotute bakah Line Department hrang hrang - Agriculture, Horticulture, Fisheries, Co-operation, AH&Vety,KVK, ATMA te leh Clover Organic Ltd, Margdarshak Development Project & Consulting Pvt. Ltd leh North East Initiative Development Agency(NEIDA) aiawhte an tel a ni.

Meeting kaihruaitu Lunglei DC Pu Kulothungan A chuan kuthnathawktute tharchhuah ti pung tur leh awmze nei zawka hma an lak theihnan kuthnathawktute, bank-te leh Line Department hrang hrang te inkarah inpawhtlang taka thawhhona (coordination) tha a awm a tul a ni tiin District Level Monitoring Committee (D-MC) for Central Sector Scheme (CSS)"Formation and Promotion of 10,000 Farmer Producer Organizations (FPOs)" thiltumte ti hlawhtling tura theihtawp chhuah tlang turin member-te a sawm a ni.

Pu Evan T Munsong, DDM, NABARD & Member Secretary, D-MC chuan D-MC hmalak tawh hrang hrang leh hmachhawpte sawizauna hun a hmang a ni.

Meeting-ah hian Lunglei District chhunga Farmer Producer Organisation (FPOs) hmalakna kal mekte leh hmachhawpte ngaihtuah ho a ni a. Tun dinhmunah Lunglei District chhungah FPOs pathum din tawh niin chungte chu Clover Organic Ltd hnuaiah Vanva Dragon Fruit Farmers Producer Company Ltd, Margdarshak Development Projects and Consulting Pvt. Ltd. hnuaiah Bunghmun Farmer Producer Company Ltd leh North East Initiative Development Agency(NEIDA) hnuaiah Lushai Agriculture Producer Company Ltd.te an ni. Hen FPO ah te hian a zavaiin shareholder member 308 awmin serthlum, thingfanghma, dragon fruit, hmarchate, kuhva leh aieng te thlanchhuah tawh niin heng thei leh thlai chin leh hralhchhuah kawngah hma an la dawn a ni.