1982/2022-2023
Lunglei the 19th September' 2022: Vawiin khan DC Conference Hall, Lunglei ah District Level Screening Committee (DLSC) chu Lunglei Bawrhsap Pu Kulothungan A, IAS kaihhruaiin sawrkar pawmloh khua (Unauthorised Settlement) Tuichawngchhuah a cheng chhungkaw 49-te August ni 26, 2019-a sawnchhuah tak te chhawmdawl dan tur ngaihtuah in an thukhawm.

Thutkhawm ah hian Pi PC. Zonuntluangi, DLAO, kaihhnawih Department te bakah YMA Sub-Hqrs, Lunglei leh VCP, Tuichawng te an tel a ni.

Pu Kulothungan A chuan Sawrkar thuchhuak angin Tuichawngchhuah khua hi sawrkar pawm loh (Unauthorised Village) anih avangin hemi khua a cheng te chu he khua hi rauh san tura tih an nih angin chhungkua 49 te chu Tuichawng khua ah August ni 26, 2019 ah sawnchhuah an ni a. Heng chhungkua te chhawmdawl dan tur committee chuan ngaihtuah a ngaih thu a sawi a ni.

Committee chuan District Local Administration Officer, Lunglei leh kaihhnawih Department ten a hmun a kal in an dinhmun chipchiar taka zirchiang tura tih a ni. Zirchianna report a zirin District Level Screening Committee chuan chhawmdawl dan tur ngaihtuah anih tur thu sawi a ni.