1254/2022-2023
Lunglei the 15th, July' 2022: Vawiin khan DC Conference Hall, Lunglei ah Pu Kulothungan A, IAS, Deputy Commissioner leh District Election Officer, Lunglei ni bawk kaihhruaiin District Monitoring Committee On Accessible Election thutkhawmna neih a ni.

Pu Kulothungan A chuan District Monitoring Committee On Accessible Election chuan mawhphurna pawimawh tak an neih thu sawiin Election Commission of India (ECI) duh dan angin pianphunga rualbanlo te electoral roll a ziahluha, vote an thlak ngei theihna tura an mamawh te ruahman sak a ni tiin member-te theihtawp chhuah theuh turin a sawm a ni.

Pianphunga rualbanlo kum 18 tling te electoral roll-ah an chuan ngei theihnan zawn chhuah a hmalak ni se tih rel niin hemi buaipui tur hian BLOs, Social Welfare Department, Health & Family Welfare Department leh NGOs te ruat an ni. Rualbanlo te atangin Icon thlan nise, polling station tin ah rualbanlo te list siam tura tih niin, polling station ah rualbanlo ten vote an thlak theih nan an mamawhna te ngaihsak hmasak tura tih a ni bawk. Rualbanlo te zingah inthlan chunghchang awareness pe turin Higher Secondary School leh College a NSS Programme Officer ten zirlai rualbanlo te zing ah Campus Ambassador thlanchhuah tura tih a ni, polling station tinah rualbanlo te an kal zung zung theih nan ramps tha te, wheel chair te ngaihtuah sak leh Assmbly Constituency tin ah designated officer ruat leh Asembly Constituency Committee on Accessible Election din tur a rel a ni.

Lunglei District huamchhunga Assembly Constituency 6 ah ni 14/7/2022 thleng in rualbanlo mi 258 awmin 30-Lunglei North ah 47, 31-Lunglei East ah 51, 32- Lunglei West ah 34, 33- Lunglei South ah 47, 34- Thorang ah 40 leh 35- West Tuipui ah 39 te an ni.

Meeting-ah hian H&FW, PWD, School Education, Samagra Siksha, Social Welfare official-te leh YMA leh MHIP aiawhte an tel a ni.

Attachment

  • Loading attachment...