1255/2022-2023
Siaha; the 15th July,2022: Vawiin chawhma dar 11:00Am khan district Bawrhsap Pu Lalsangliana office Chamber-ah District Co-ordination Committee for Har Ghar Jhandan Scheme ten meeting an nei.

Vawiin meeting kaihruaitu Pu Lalsangliana chuan Har Ghar Jhandan Programme hi India ram Sawrkar laipuiin India ramin British sawrkar atanga Zalenna a hmuh atanga a kum 75-na Golden Jubilee lawmna(Azadi ka Amrit Mahotsav) kal zel puala kumin Independence Day Week( August 9-16,2022) chhunga In tina Hnam Puanzar(National Flag) zar vek tura hmalakna scheme a ni, a ti.

Vawiin meeting chuan Siaha district bik atan Flag 6000/- demand phawt nise, a piahlam chu mamawh dan azira chah belh zel turin a rel a.Sawrkar Pisa leh Sawrkar hnathawk zawng zawng te pawh an HoD ruahmanna hnuaiah Pisa leh an mahni in theuhva tar vek turin a rel bawk.
Thil tul dang chu DC kaihruaina hnuaiah ruahmanna felfai zawka kalpui dan tur ngaituah ho leh a ni ang.

Flag pakhat man hi cheng Rs.20 a ni dawn a, mahni in a tar tur chu mahni a in khulh vek turin meeting chuan Siaha district mipui te a ngen bawk.